Манчестер Јунајтед „десеткуван“ во дербито со Челзи

Менаџерот на Манчестер Јунајтед, Ерик тен Хаг потврди дека тимот ќе биде без помош од дури петмина фудбалери на утрешниот натпревар против Челзи.

Надвор од конкуренција за дербито против Челзи се Ентони Марсијал, Лук Шо, Тајрел Маласија, Лисандро Мартинез и Виктор Линделоф.

Рафаел Варан и Џони Еванс се опоравија од повредите и ќе бидат во конкуренција за утрешниот натпревар.

„Ова е многу тешко првенство. На секој клуб може да му се случи да нема добра сезона. Челзи нема некоја фантастична сезона, но тоа е тим кој може да победи секого. Тоа го покажаа неколку пати сезонава“, изјави Тен Хаг.