Мароко сензационално испадна во осминафиналето на Африканскиот куп на нации

Фудбалската репрезентација на Јужна Африка е последниот патник во четвртфиналето на Африканскиот куп на нации, откако направи изненадување во осминафиналето совладувајќи го Мароко со 2:0.

Освојувачот на четвртото место на последното Светско првенство беше фаворит, не само за осминафиналето, туку и за целиот африкански куп на нации.

Сепак, Јужна Африка победи со 2-0 за да се пласира во четвртфиналето против Зеленортските Острови, кои во понеделникот ја победија Мавританија со 1-0.

Јужна Африка поведе во 57. минута со голот на Евиденс Макгопа. Хакими можеше да израмни од пенал во 85. минута, но крилниот напаѓач на ПСЖ ја погоди гредата.

Во втората минута од судиското надополнување, Мароко остана со играч помалку по исклучувањето на Амрабат, а сите сомнежи околу победникот ги реши Тебохо Мокоен, погодувајќи во шестата минута од судиското надополнување од слободен удар за 2-0.