Добра вест за Интер: Еден од најважните фудбалери го продолжи договорот

Интер објави дека ја продолжува соработката со Федерико Димарко до 2027 година.

Во изминатиот период Димарко се промовираше како еден од најважните фудбалери на Интер и продолжувањето на неговиот договор е добра вест за фановите на „нероаѕурите“.

„Интер објави дека постигна договор за продолжување на соработката со играчот Федерико Димарко до 30-ти јуни 2027 година“, стои во соопштението на италијанскиот клуб.

26-годишниот Димарко потекнува од школата на Интер и беше испраќан на неколку позајмици, а од пред две години си го обезбеди местото на левата бековска позиција во Интер.