ИТАЛИЈАНСКИОТ фудбал го тресе скандал со обложување. Фудбалерот на Јувентус, Николо Фаџоли на почетокот на неделата им призна на истражителите дека се обложувал на фудбалски натпревари, а потоа се појавија истите индиции поврзани со имиња многу попознати од 22-годишниот играч за врска на Јуве.
Станува збор за Сандро Тонали (23) и Николо Заниоло (24), италијански репрезентативци и играчи на англиските клубови Њукасл и Астон Вила. На спортистите во Италија им е забрането да се обложуваат на натпревари организирани од Италијанската фудбалска асоцијација, УЕФА и ФИФА и им е забрането да обложуваат директно или индиректно, а оние кои ќе го прекршат правилото се соочуваат со парична казна од не помала од 25.000 евра и забрана за играње до три години.
„Без вино, животот би бил…“ – искрен разговор со енологот Теодор Бојаџиев
Според италијанските медиуми, истражителите поседуваат аудио снимки кои ја докажуваат вмешаноста на двајцата играчи и дека Заниоло додека бил играч на Рома дури се обложувал на натпреварот од Купот на Италија на кој седел на клупата.
Никола Залевски, младиот (21) играч на Рома и полски репрезентативец отиде и чекор подалеку. La Repubblica пишува дека во мај годинава се обложил дека ќе добие жолт картон на натпреварот против Салернитана. Интересно, тоа успеа да го направи Залевски во 94. минута, за што сведочи и видеото:
La discussa ammonizione di Zalewski al 94' di Roma-Salernitana, partita semi-inutile ai fini di classifica pic.twitter.com/051T2RUcuL
— Antonio Rudy Guede (@DaznForza) October 13, 2023
Додека италијанските играчи ги напуштија подготовките на репрезентацијата поради шокантните обвинувања, Залевски се уште е во полската репрезентација. Детето на полски родители родено во Италија тврди дека не се обложило. Портпаролот на полската ФА додаде: „Ние сме во постојан контакт со италијанската ФА и Рома, но тие не добиле ништо официјално за Залевски“.
Учество во игри на среќа е дозволено за лица со 18+ години. Играј одговорно!