Фудбалската федерација на Саудиска Арабија (САФФ) испрати писмо до ФИФА со намера да биде домаќин на Светското првенство во 2034 година.
Тоа би бил прв Мундијал во таа земја, а од федерацијата пренесуваат дека ваквата намера ги одразува целите на нацијата за отклучување на нови фудбалски можности на сите нивоа и посветеноста да го поддржи растот на играта низ сите краеви на светот.
Кој ќе биде новиот шампион, Сити или Арсенал? ↓↓↓
„Ова е втор чекор во исклучително возбудливото патување на кое е нашата нација. Минатата недела ја објавивме нашата амбиција да бидеме домаќини на Светското првенство на ФИФА во 2034 година, а оваа официјална понуда ја потврдува нашата посветеност да ги оствариме соништата на нашите луѓе“.
„Светското првенство во фудбал во 2034 година е наша покана до целиот свет да биде сведок на развојот на Саудиска Арабија, да се запознае со нејзината култура и да стане дел од нејзината историја. Решени сме да ја претставиме најконкурентната понуда која исто така ќе помогне да се обедини светот преку фудбалот, изјави претседателот на Федерацијата, Ал Мишехал.