Стигнале резултатите од вториот тест на Погба: Дали на повидок е крај на кариерата на Французинот?

Францускиот фудбалер Пол Погба го чека долга пауза од терените, откако и повторениот допинг-тест се покажал како позитивен.

Ќе потсетиме, Французинот доби позитивен допинг тест по натпреварот со Удинезе, па сега беше направен и втор кој не оди во прилог на фудбалерот.

Погба тврдеше дека е невин и дека свесно не земал никакви забранети супстанци, сепак по вториот позитивен допинг тест Фудбалската асоцијација и официјално ќе отвори истрага против него.

По ова лесно може да се случи Јувентус да го раскине договорот со Погба, а така би се ослободиле од играчот кој има највисока плата во тимот. Максималната суспензија која му се заканува на Погба е ечетири години.

Со оглед на неговите чести повреди и годините нема да биде изненадување ако објави и крај на кариерата.