Нејмар се налути: Доста лажете!

Во јавноста во претходните денови се појавија информации дека Нејмар побарал да се отпушти тренерот на Ал Хилал, Жорге Жесус.

Се пишуваше деновиве во медиумите за однесувањето на Бразилецот, според гласините Бразилецот се расправал во соблекувалната и поради несогласувања побарал смена на тренерот Жесус.

Сега Нејмар се огласи преку социјалните мрежи и порача дека ваквите вести биле лажни.

„Ова е лага! Морате да престанете да верувате на вакви медиуми. Кога имате милиони следбеници не можете да си дозволите да пишувате лажни вести. Со голема почит, ве молам да престанете“, се обрати бразилскиот фудбалер.