Деспотовски предупредува: Не смееме да ја потцениме Црна Гора

Филип Деспотовски пред мечот со Црна Гора истакна дека ќе се потрудат да обезбедат втора победа на Европското првенство.

Деспотовски знае дека влогот е голем, а победа ќе значи пласман во следната фаза, но Македонија мора внимателно да и пристапи на Црна Гора.

„Мислам дека Црна Гора не е моќен противник колку Данска, но ние не смееме да се опуштиме. Имавме одлична тактика за Данска, а сега треба истото да го направиме и со Црна Гора“, вели Деспотовски.

„Искрено, добро се познаваме со Црногорците. Со голем дел од нив сме и добри пријатели. Еве за мене лично, одличен пријател сум со Блажо Милиќ, нивниот среден блокер. Разговаравме деновиве по нашата средба со Данска, односно нивната со Холандија и тој и неговите соиграчи не кријат дека ние сме на хартија подобри од нив, но јасно ни најавија дека ќе се борат до крај за победа. Тоа не мотивира и нас, да покажеме дека не случајно имаме аспирации за осминафинале“, додаде Деспотовски.