Барселона се обидела да го врати Нејмар, Деко објасни зошто не успеале

Португалецот Деко повторно ќе биде дел од Барселона каде што ќе работи како спортски директор, Дека помагаше во клубот и во претходниот период, а сега доаѓа на местото на Алемани кој си заминува.

Како нов одговорен за сите трансфери во клубот, Португалецот објасни зошто Барселона не можела да го доведе Нејмар.

Нејмар се поврзуваше со Каталонците, но на крајот кариерата ја продолжи во редовите на Ал Хилал од Саудиска Арабија.

„Сите знаат дека во моментов, за жал, поради лошата финансиска состојба, беше невозможно да реализираме еден таков трансфер. Требаше да се договориме со ПСЖ или со Арапите, и не можевме да го сториме тоа. Требаше да биде економски изводливо, но со нашата моментална ситуација, немаше простор за нешто такво“, објасни Деко