Гвардиола: Лигата на шампиони е нашиот сон

Тренерот на Манчестер Сити, Пеп Гвардиола пред утрешното финале не крие дека освојувањето на Лигата на шампиони е сон на сите во клубот.

„Дојдовме до ден кој треба да се слави. За навивачите на Манчестер Сити и Интер е ден да се биде среќен и да се слави да се биде тука. Тоа е најважното нешто. Ова е финалето. Лигата на шампионите е неверојатно натпреварување. Лигата на шампионите е нашиот сон“, изјави Гвардиола. 

„Ние сме фокусирани на тоа што треба да го направиме. Изгледав колку што можам повеќе натпревари на Интер за да ги запознаам колку што е можно подобро. Тоа што е најважно утре е да го дадеме најдоброто од себе. Тоа ќе ја направи разликата“, додаде Гвардиола.