Тен Хаг: Мегваер за нас е важен фудбалер и пример

Манчестер Јунајтед загуби од Севиља во реваншот од четвртфиналето во Лига Европа и така беа елиминирани од второто по ранг натпреварување во Европа.

Следен предзивик за фудбалерите на Јунајтед e натпреварот во ФА Купот кој ќе го играат викендов.

„Секој натпревар е тест, секоја сезона е тест. Мора да заслужите да го носите овој дрес. Исто е и кога си менаџер. Сите сме во ист брод. Во текот на сезоната забележавме напредок. Стекнавме искуство, но имаме уште работа. Ова е голема можност за нас, полуфинале во ФА Купот е важен натпревар“, изјави Тен Хаг.

Најголеми критики по елиминацијата на Манчестер Јунајтед доби капитенот Хари Мегваер.

„Тој има важна улога. Хари е капитен и пример за сите во соблекувалната, ја води комуникацијата со менаџерот и ги мотивира соиграчите“, порача холандсакиот стратег.

Полуфиналниот натпревар од ФА Купот помеѓу Манчестер Јунајтед и Брајтон на Вембли е закажан за в недела од 17:30 часот.