Објавени платите на фудбалерите на ПСЖ, Мбапе неприкосновен

Еминентниот француски медиум „Екип“во денешното издание ги објави платите во фудбалскиот клуб ПСЖ.

Далеку најплатен играч на ПСЖ е Килијан Мбапе. Францускиот репрезентативец минатото лето потпиша нов договор со клубот и според него месечно заработува неверојатни 6 милиони евра.

Нејмар месечно заработува 3.675 милиони евра, а Меси добива 300.000 евра помалку или 3.375 милиони евра.

Меѓу оние со милионска месечна плата се и бразилскиот дефанзивец Маркињос (1,2 милиони), Марко Верати (1,2) и Ашраф Хакими (1.083 милиони евра).

Треба да се истакне дека тренерот на ПСЖ, Кристоф Галтие е најплатен во Лига 1 и месечно заработува 665.000 евра.