Бомбастична клазула го искушува Мбапе да остане во ПСЖ

Бонус од 100 милиони евра го очекува Килијан Мбапе, ако реши да остане во Пари Сент Жермен и следната сезона, открива „Екип“.

При потпишувањето  на новиот договор минатото лето била вклучена клаузула, ако оваа сезона ПСЖ не ја освои Лигата на шампиони и остане во сезоната 2023/24 ќе добие бонус од 100 милиони евра.

Другата клаузула му дава можност на ПСЖ еднострано да го продолжи договорот за уште 12 месеци, но само доколку тимот триумфира во Лигата на шампиони.

Поради тоа Мбапе ќе биде на искушение на лето да остане во ПСЖ уште една година и да добие бонус од 100 милиони евра.