Дојде во Сити, го освои Мундијалот, а сега Барселона е следна дестинација?

Хулијан Алварез (23) минатото лето дојде во Манчестер Сити од Ривер Плата за 20-тина минилиони евра, но веќе во наредниот преоден рок би можел да се пресели на позајмица во Барселона.

Покрај Eрлинг Халанд, младиот напаѓач не добил доволно простор и поради тоа сака клуб каде што ќе игра повеќе, пренсуваат „Мундо Депортиво“ и „Спорт“, но и аргентинскиот новинар Цезар Луис Мерла.

Според информациите и Манчестер Сити би можел да ја прифати опцијата Алварез да оди во клуб каде што повеќе ќе игра, неговиот договор со „грѓааните“ е со 2027 година. Се истакнуваат и добрите односи помеѓу двата европски гиганти.

Барселона се обидуваше да го доведе Алварез и додека беше во Ривер, но тогаш напаѓачот го избра Сити. На Каталонците им е потребна помлада поддршка на Роберт Левандовски, а ако не успеат да го доведат Алварез, опција е и Витор Рике од бразилескиот Атлетико Параненсе.