Калид се врати во Ѓорче!

Македонскиот прволигаш, Македонија Ѓорче Петров во своите редови го врати напаѓачот Калид Басит Абдул, фудбалерот од Гана кој во дресот на „лавовите“ ја помина полусезоната во 2020/2021.

Одличниот напаѓач одигра 14 натпревари во ПМФЛ за Македонија Ѓорче Петров во тој период и постигна седум гола, додавајќи три асистенции.

Во Ѓорче, Калид се враќа од Есперанс де Тунис, а го носеше дресот уште на Шериф Тираспол и Ал-Тадамон.

Враќањето на Калид во таборот на „лавовите“ очекуваат да биде сериозна аквизиција за вториот дел од сезоната.