Мурињо потврди: Бил најголемата желба на Португалците за нов селектор

Жозе Мурињо потврди дека Португалците сакале тој да им биде селектор по заминувањето на Фернандо Сантош.

Се пишуваше дека Португалија испратила понуда до Мурињо, а сега тоа го потврди и самиот Жозе кој сепак сакал да го испочитува договорот со Рома.

„Тоа што претседателот на Португалската фудбалска репрезентација дојде и ми кажа дека јас не сум негов прв, туку единствен избор ме прави навистина горд.

Сепак, одлучив да не ја прифатам понудата и да продолжам во Рома“, изјави Мурињо по вчерашниот натпревар од Купот на Италија во кој Рома славеше 1:0 против Џенова.

Инаку, пред два дена Португалците официјално за нов селектор го промовираа Роберто Мартинез кој по Светското првенство ја напушти клупата на Белгија.