Ал-Наср после Роналдо го сака и Канте

Потписот на Кристиано Роналдо за Ал-Наср од Саудиска Арабија е само прашање на време, но клубот сака да доведе уште една голема ѕвезда.

Имено, Ал Наср сака да го доведе и Нголо Канте од Челзи. Неговиот договор со лондонскиот клуб истекува на крајот од сезоната, кога би можел да замине на Блискиот Исток.

И покрај желбата да остане во Англија, самиот фудбалер не ја исклучува можноста да се пресели во Саудиска Арабија.

Канте оваа сезона е надвор од теренот поради повреда, а неговото враќање е најавено за почетокот на март.