Чави: Јас и Иниеста не бевме добри како Педри и Гави на нивни години

Чави и Иниеста со години играа заедно во шпанската репрезентација и Барселона и освоија се што може да се освои.

Со Барса доминираа во Примера и Европа, а во дресот на „Фуријата“ освоија две последователни европски шампионски титули и една светска шампионска титула во 2010 година.

Како тандем тие важат за најдоброто дуо од средниот ред во историјата на фудбалот, но тренерот на Барса Чави тврди дека двајца негови играчи се веќе подобри од него и Иниеста во тие години.

Станува збор за Гави и Педри, тандемот кој веќе ја води играта и за Барса и на Шпанија.

„На дваесетгодишна возраст, Андрес и јас не бевме на исто ниво како Педри или Гави. Не бевме на нивното ниво во тие години“, изјави тренерот на Барселона. Инаку, Гави има 18, а Педри 20 години.