Еден од најбараните Германци ги одбива гигантите, чека нов договор?

Напаѓачот на Борусија Дортмунд, Јусуф Мукоко нема намера да го напушти германскиот клуб.

Иако договорот му истекува на 30 јуни 2023 година, а на лето од 1 јануари би можел да преговара за слободен трансфер, тој не сака да размислува за заминување.

„Навистина би сакал да останам во Дортмунд, бидејќи во Борусија имам се што ми треба. Тренерот Един Терзиќ ми е како татко и тука се чувствувам како дома. Ги познавам сите околу мене, имам многу пријатели и филозофијата на Клубот е токму тоа што ми одговара. Знам дека без сето тоа ниту јас не би можел да напредувам“, изјави Мукоко.

Мукоко е со репрезентацијата на Германија на Светското првенство во Катар, иако пред само неколку дена стана полнолетен. Трансфермаркт го проценува на 30 милиони евра, а за Мукоко интерес покажаа Барселона, Ливерпул и Баерн Минхен.