Како да нема крај на проблемите за селекторот Благоја Милевски. Откако денес претходно дополнително на местата на Александар Трајковски и Милан Ристовски беа повикан Дориан Бабунски и Мартин Мирчевски пристигнаа нови лоши вести.
Во германската трета лига во настапот за Инглоштад се повреди и дефанзивецот, Висар Муслиу. Натпреварот на гостински терен против Дуизбург Муслиу го напушти после само 20 минути игра. Засега нема информации за каква повреда станува збор.
Сè што треба да знаете за НОВИОТ формат на Светското клупско првенство! ↓↓↓
Сепак, дуелот со Финска го играме за пет дена, а собирот на репрезентацијата е в понеделник, па така извесно е дека нема да го имаме и Муслиу на располагање.
Ако се знае дека поради повреди воопшто на списокот ги немаше Адеми, Чурлинов, Костадинов и Дени Илиев тогаш јасно е дека Милевски се соочува со големи проблеми во составувањето на тимот.
Двата натпревари, со Финска и три дена подоцна со Азербејџан се важни затоа што се последна проверка пред стартот на квалификациите за Европското првенство во март.
Фото: ФФМ
Учество во игри на среќа е дозволено за лица со 18+ години. Играј одговорно!