Пандев го исполни сонот, цела Македонија славеше – две години од историската ноќ во Тбилиси

Пред две години на денешен дена репрезентацијата на Македонија со селекторот Игор Ангеловски оствари историски успех победувајќи ја Грузија во Тбилиси во мечот за пласман на Европското првенство.

Во Тбилиси херој на македонската фудбалска репрезентација уште еднаш беше Горан Пандев кој го постигна одлучувачкиот гол за Македонија вреден пласман на Европското првенство.

На Европското првенство Македонија не освои бодови, но и не разочара затоа што прикажавме солидна игра во дуелите со Украина, Холандија и Австрија.