Сон го пропушта дербито со Ливерпул

Ѕвездата на Тотенхем, Хјун Мин Сон ќе го пропушти дербито со Ливерпул овој викенд поради повредата со која се здоби синоќа против Марсеј.

Сон во еден момент ги загрижи сите откако имаше непријатен удар со главата, па мораше предвреме да го заврши мечот.

Лекарските прегледи покажаа дека за среќа нема тешка повреда, само мал потрес на мозокот.

Меѓутоа постои протокол за такви повреди кој мора да се испочитува, а тоа значи дека ќе мора да мирува во следите шест дена.

Поради тоа Кореецот сигурно ќе го пропушти дербито со Ливерпул, а се очекува да се врати за мечот со Лидс, последен пред Мундијалот.