Лестер ја купи ѕвездата на Спортинг Лисабон

Премиерлигашот Лестер експресно реагираше и донесе замена за Дени Дринквотер, кој вчера и официјално се пресели на „Стенфорд Бриџ“.

Нов член на Лестер е капитенот на Спортинг од Лисабон, Адриен Силва. „Лисиците“ за неговите услуги ќе платат 25 милиони евра.

Англиската федерација му дозволи на Лестер да може денес да го комплетира трансферот, па Португалецот и официјално стана нов член на клубот.

Адриен Силва има 28 години, а за Спортинг одигра 237 натпревари, на кои постигна 39 гола. Член е на португалската репрезентација, која во 2016 година ја освои европската титула.