Се огласи фитнес тренерот на Федерер: Швајцарецот може да не настапи на својот проштален турнир?!

Иако беше најавено се уште не е сигурно дека Федерер ќе биде во можност да игра на Лајвер Купот кој треба да биде негов последен во кариерата.

Минатата недела Федерер најави дека од 23. до 25. септември ќе го игра последниот турнир во кариерата во Лондон, меѓутоа неизвесно е дали ќе може да настапи пред лондонската публика.

Дека може да има пресврт најави неговиот фитнес тренер, Пјер Паганини.

„Ќе одлучи во последен момент. Во последните неколку дена е во тренажен процес и ја има првичната слика како се чувствува. Возбудени сме поради тоа што ќе се случува во Лондон. Верувам дека ќе излезе на теренот и публиката ќе добие можност да го поздрави“.

„Добро знаевме дека е готово уште во јули, направивме се за да ја продолжиме неговата кариера со различни елементи во тренинзите, но не беше можно“, изјави Паганини.