Бомба на Апенините: Нани слета во Рим!

Португалскиот репрезентатувец Нани утрово пристигна во Рим. Португалецот во текот на денешниот ден треба да ги мине лекарските прегледи и да потпише договор со Лацио.

Поранешната ѕвезда на Манчестер Јунајтед сигурно ќе биде голема засилување за Лацио и замена за Кеита Балде кој се пресели во Монако.

Нани пристигнува од Валенсија на едногодишна позајмица со право на откуп за 8 милиони евра следното лето.

Нани во Лацио доаѓа со посредство на супер-агентот Жорге Мендеш, кој во клубот од Рим ќе донесе и двајца млади Португалци, Бруно Жордао и Педро Нето од Брага.

Овие двајца талентирани фудбалери ќе ги чинат Лацио околу 20 милиони евра и сигурно ќе претставуваат иднина на клубот.