И покрај поразот од Тиафо Надал од идната недела може да биде прв на АТП листата

Шпанецот Рафаел Надал не успеа да дојде до осумте најдобри на УС Опен откако беше шокантно поразен од Американецот, Френсис Тиафо, но и со овој пораз Надал би можел да биде на врвот на АТП од наредната недела.

Данил Медведев после поразот во осминафиналето сигурно нема да биде првопласиран и ќе падне најмалку за две позиции.

Шанси да стигнат до првото место имаат Надал, Каспер Руд и Карлос Алкараз во зависност од резултатите.

Надал ќе биде прв на АТП и со поразот ако некој од неговите директни ривали (Руд или Алварез) не се пласира во финалето. Алакараз ќе биде најдобар ако ја освои титулата во Њујорк или пак изгуби од финалето од било кој, а тоа да не е Руд за кого важи истото.