Возбудливо во Барселона: За „мистериозното“ засилување се чуваат шест милиони евра по сезона, Депај може да замине

„Да, Белерин и Алонсо се завршени, но ќе има уште изненадување за фановите вечерва“. Oваа изјава на Жоан Лапорта попладнево ги израдува навивачите, а сега пристигнуваат нови информации.

Лапорта не сакаше многу да открие, но дефинитивно работи на тоа „мистериозно“ засилување. Последните информации се дека се преговара за заминување на Мемфис Депај, се уште не е сигурно дека тој ќе остане во Каталонците.

Најголемата причина поради која може да се верува дека Каталонците до вечерва ќе доведат уште еден играч е то што веќе ја известиле Ла Лига дека имаат простор да регистрираат уште еден играч со плата од шест милиони евра.

Засега нема претпоставки кој би можел да биде, се појави шпекулација за Набил Фекир од Бетис, но брзо беше демантирана.