Мбапе признава: Бензема ја одигра сезоната на кариерата, мора да ја доби „Злантата топка“

Вчера „Франс Фудбал“ го објави списокот на номинирани фудбалери за најпрестижната индивидуална награда во светот на фудбалот, „Златната топка“.

Голем фаворит за оваа награда е напаѓачот на Реал Мадрид, Карим Бензема. Коефициентот дека Бензема ќе ја освои наградата е само околу 1.05, потоа следи Мбапе (15 коефиециент) и триото кое го водеше Ливерпул минатата сезона – Салах, Ван Дијк, Мане (20 коефициент).

Мбапе признава дека Бензема ја одигра сезоната на кариерата и нема дилеми дека тој треба да ја добие оваа награда.

„Карим има 34 години и ја одигра сезоната на кариерата, ја освои Лигата на шампионите и одлучи важни натпревари. Ако сум на негово место и сега не ја освојам оваа награда понатаму тој избор нема да ме интересира“, изјави Мбапе.