Детали од договорот на Костиќ со Јувентус, што недостасува?

Италијанските медиуми објавија вчера дека Филип Костиќ е на чекор од потпис со Јувентус.

Денес пристигнуваат нови информации кои ги објави Фабрицио Романо. Познатиот новинар тврди дека Костиќ ги договорил личните услови со Јувентус и дека тука нема никаков проблем. Во Торино Костиќ го чека плата од 2.5 милиони евра и договор на три години.

Преостанува уште клубовите да ги договорат конечните детали, а наводно се работи за бонусите. Според информациите договорена е оштета од 15 милиони евра, Ајнтрахт сака бонуси кои ќе бидат врзани за настапите на Костиќ и неговиот учинок.

Објавено е дека Костиќ имал понуда и од Вест Хем кој му нудел повеќе пари, меѓутоа негова желба е Јувентус. Во Јувентус тој ќе игра и заедно со неговиот соиграч од репрезентацијата Душан Влаховиќ.