Неколку европски гиганти го сакаат дефанзивецот на Баерн

Дефанзивецот на Баерн Минхен, Бенџамин Павар е предмет на интерес на неколку европски гиганти, тврди „Екип“.

Иднината на 26-годишниот Французин во Минхен е неизвесна откако ГБаварците потпишаа договор со Матијас де Лихт. Се погласно се шпекулира дека може да биде продаден, а има неколку кандидати за неговиот потпис.

Според информациите, Јувентус, Челзи, Атлетико Мадрид и Манчестер Јунајтед будно ја следат ситуацијата околу дефанзивецот и се подготвени да влезат во битка за неговиот потпис. И самиот фудбалер е свесен за интересот и сериозно размислува за својата иднина.

Во Баерн, Павар често беше користен во улогата на десен бек, но тој самиот неодамна призна дека повеќе сака да игра во центарот на одбраната.

Баварците се спремни да го продадат доколку пристигне понуда од 35 милиони евра, колку што беше платен кога пристигна од Штутгарт во 2019 година.