Ќе игра ли Надал против Кирјос? Шпанецот има скинат мускул!

Рафаел Надал утрово направи медицински прегледи кои покажаа дека за време на мечот против Тејлор Фриц се здобил со сериозна повреда, односно скинат мускул.

„Марка“ пренесува дека Надал сака да излезе на терен и в петок против Ник Кирјос во полуфиналето. Меѓутоа тој има повреда и се уште не одржал тренинг.

Надал против Фриц за време на вториот сет бараше медицински тајм аут. Во тие моменти неговиот татко од трибините го советуваше да го предаде мечот, меѓутоа Шпанецот продолжи и и на крајот славеше.

„И покрај повредата се борев и покажав дека можам да бидам конкурентен и во таква ситуација“, изјави Надал.