Пристигна замената: Јувентус договори искусен Германец

После многу имиња кои се поврзуваа со дресот на „старата дама“, конечно италијанскиот гигант успеа да постигне договор.

Се работи за фудбалерот на Шалке, Бенедикт Ховедес кој во Торино пристигнува како позајмен фудбалер со обврска Јувентус наредното лето да го откупи неговиот договор за 20 милиони евра.

Според фановите на клубот од Торино, 29 годишниот Ховедес е одлична замена за Леонардо Бонучи кој како што е познато премина во редовите на големиот ривал Милан.

Да потсетиме, како можни имиња за наследник на Бонучи се споменуваа, Жером Боатенг, Езекиел Гарај, Матс Хумелс, но сепак на крај изборот падна на фудбалерот на Шалке, за кого претходно голем интерес покажа и тимот на Ливерпул.