Шок за Вардар: ЕХФ ќе го исфрли од Лигата на шампионите!

Лоши вести за македонскиот ракомет доаѓаат од Келн.

Како што неофицијално дознава специјализираниот сајт за ракомет „Балкан-Хендбол“, Европската ракометна федерација донела одлука да му забрани на македонскиот шампион Вардар да настапува во Лигата на шампионите на ЕХФ во сезоната 2022/2023.

Причина за ваквата одлука е нерасчистената финансиска состојба и неисплатени долгови кон некои ракометари, која го доведе во прашање настапот на двократниот освојувач на Лигата на шампионите на ЕХФ од 2017 и 2019 година и минатата сезона, но ЕХФ тогаш му прогледа низ прсти на тимот од „Јане Сандански“ .

Официјалната одлука се очекува до крајот на неделата.

Фото: РК Вардар