За Гвардиола Надал е најдобриот шпански спортист на сите времиња

Пеп Гвардиола присуствуваше на фудбалски турнир во Мајорка, а оваа прилика новинарите ја искористија да му постават и неколку прашања.

Тема на разговорот беше Рафаел Надал кој вчера во Париз го освои Ролан Гарос со што стигна до 22. гренслем титула во кариерата и 14-та титула на Ролан Гарос. Гвардиола за Надал имаше само пофални зборови.

„Тој е неверојатен, зборуваше дека има проблеми со повредите, но и покрај тоа победува. Едноставно не можете да го запрете. ако ги издржи проблемите со стапалата верувам дека и понатаму ќе игра и ќе победува на највисоко ниво“.

Еден од новинарите го праша Гвардиола дали го смета Надал за најдобар шпански спортист на сите времиња.

„Тешко е да се споредуваат индивидуалните и екипните спортови, Шпанија имала и има многу големи спортисти. Но без сомнение никој не е трае толку долго како Рафа“, одговори Гвардиола.

Одговорот можеби е реален, но за многумина е и изненадувачки затоа што е познато дека Надал е голема „мадриста“, а Пеп долго време седеше на клупата на Барселона.