Официјално: Забрана за руски и белориски тенисери на Вимблдон

Тенискиот турнир Вимблдон донесе и официјална одлука дека руските и белоруските тенисери и тенисерки нема да можат да учествуват на годишното издание поради инвазијата над Украина.

Ова значи дека машкиот дел од турнирот ќе биде без вториот светски тенисер Данил Медведев, а кај тенисерките ќе ја нема четврторангираната Аријана Сабаленка.

Вимблдон последен пат суспендираше тенисери и тенисерки по Втората светска војна, кога им беше забранет настап на спортисти од Германија и Јапонија. 

„Во околностите на таква невидена неоправдана воена агресија, би било неприфатливо рускиот режим да извлече каква било корист од вмешаноста на руски или белоруски играчи на Вимблдон“, стои во соопштението.