Карагер: Денешното ривалство на Сити и Ливерпул е најголемо во историјата на Премиер лигата

Дербито помеѓу Манчестер Сити и Ливерпул кое се игра во недела ќе има големо влијание во борбата за титулата, а Џејми Карагер смета дека сме сведоци на најквалитетното ривалство во историјата на Премиер лигата.

Поранешниот дефанзивец на Ливерпул има само комплименти за двете екипи и игрите кои ги прикажуваат предводени од Пеп Гвардиола и Јирген Клоп.

„Ривалството против Сити стана најголемо, најинтезивно и најквалитетно во историјата на Премиер лигата. Има посебен и уникатен елемент во сето тоа. Првпат најдобрите две англиски екипи се и најдобрите две екипи во светот, предводени од двајца големи тренери“.

„Верувам дека фановите на Манчестер Јунајтед, Арсенал и Челзи ќе имаат забелешки на мојата изјава, но тоа е мое мислење за актуелната ситуација. Дуелите на Фергусон и Венгер имаа свои квалитети, но не се споредуваат со Сити и Ливерпул денес, резултатите во Европа се доказ“, изјави Карагер.