Останаа само двајца кандидати: Наскоро Јунајтед ќе го избере новиот менаџер

Ерик тен Хаг и Маурисио Покетино се двајцата главни кандидати кои го поминаа првиот круг на интервју со раководството на Манчестер Јунајтед.

Англиските медиуми пренесуваат дека Холанѓанецот оставил подобар впечаток и во моментов се смета како фаворит за тренерското столче на „Олд Трафорд“.

Во следните десетина дена најверојатно ќе има втор круг на разговори со двајцата тренери, а после тоа раководството ќе донесе конечна одлука.

Тен Хаг и Покетино се спремни да ги напуштат Ајакс односно ПСЖ и на лето да седнат на кормилото на „Олд Трафорд“, а одлуката ќе биде донесена овој месец.