Кончено се огласи Ѓоковиќ: Им благодарам на сите за поддршката, се фокусирам само на АО

Новак Ѓоковиќ конечно се огласи преку социјалните мрежи после сите случувања во Австралија во последните неколку дена.

Како што е познато, Ѓоковиќ е ослободен од страна на федералниот суд, кој му ја врати визата и ќе може да игра на Австралија Опен.

Неговото семејство потврди дека Новак е слободен човек и веќе го одработил првиот тренинг на терените во Мелбурн.

„Среќен сум и благодарен на Судот кој донесе одлука во моја корист и ми ја врати визата. Покрај се што се случи сакам да останам и да се натпреварувам на Австралија Опен“.

„Се обидувам да се фокусирам само на турнирот. Дојдов овде да играм на еден од најголемите турнири пред фантастични навивачи. Им благодам на сите кои беа покрај мене и ми дадоа сила да се борам“, истакна Ѓоковиќ.

I’m pleased and grateful that the Judge overturned my visa cancellation. Despite all that has happened,I want to stay and try to compete @AustralianOpen
I remain focused on that. I flew here to play at one of the most important events we have in front of the amazing fans. 👇 pic.twitter.com/iJVbMfQ037

— Novak Djokovic (@DjokerNole) January 10, 2022