Кинескиот голман Лиу Шаозијанг денес потпиша договор со Баерн.
18-годишниот чувар на мрежата доаѓа во кампот на Баерн од партнерскиот клуб Вухан Три Таунс и со Баерн потпиша договор до 30. јуни 2025 година.
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
Младиот Кинез секако беше пресреќен за потпишаниот договор.
„Голема чест ми е што сум дел од еден од најголемите клубови во светот. Ваква прилика добивате само еднаш во животот. Баерн има многу навивачи во мојата татковина. Многу сум горд и среќен“, изјави Шаозијанг.
Овој 1.9 метар висок голман до сега тренираше со У19 тимот на Баерн, повремено и со резервите. Исто така интезивно работи со голманскиот кординатор Том Старке. Посетува и часови по германски јазик за што подобро да се прилагоди на новата средина.
„Мило ми е што го доведовме првиот играч од нашиот партнерски клуб Вухан Три Таунс. Овој трансфер е реклама за нашата мрежа во Кина која ја изградивме во последните години заедно со нашите луѓе во Шангај и нашите партнери во целиот регион“, изјави извршниот директор на клубот, Оливер Кан.
Учество во игри на среќа е дозволено за лица со 18+ години. Играј одговорно!