Рома испрати нова понуда до Лестер за Марез

Спортскиот директор на Рома, Мончи очајно посакува да го доведе фудбалерот на Лестер, Ријад Марез.

Според информациите од Италија, новиот спортски директор на Рома испрати нова понуда до Лестер за репрезентативецот на Алжир.

Првата понуда која ја испрати „волчицата“ беше 30 милиони евра, но веднаш беше одбиена, па Италијанскиот тим одлучи да ја зголеми понудата на 35 милиони евра и се надева дека истата ќе биде прифатена од раковдството на „лисиците“ за трансферот на Марез.

Доколку двете страни се договорат, ова ќе биде најскапиот трансфер во историјата на клубот. Рекордот го држи Габриел Батистута, за кој „волчицата“ плати околу 25 милиони евра.