Марсело веќе го избра следниот клуб

Искусниот бразилски дефанзивец и капитен на Реал Мадрид, Марсело сигурно ќе го напушти клубот на крајот на сезоната.

На 33-годишниот Бразилец му истекува договорот со „кралевите“, а двете страни одличиле да не ја продолжат соработката.

Шпански „Оле“ открива дека Марсело избрал нов клуб, а станува збор за бразилскиот гигант Флуминенсе, каде што ја почна професионалната кариера.

Претседателот Флорентино Перез нема намера да застане на патот на желбата на Марсело за да замине уште во зимскиот преоден рок.

Марсело во Мадрид пристигна во 2006 година, а со клубот освои 22 трофеи и се здоби со легендарен статус.