Таткото на Ѓоковиќ: Новак е уценет, нема да игра на Австралија Опен

Таткото на Новак Ѓоковиќ, Срѓан откри дека постои голема можност најдобриот тенисер на светот да не настапи на Австралија Опен.

Како што е познато, само вакцинирани тенисери ќе може да настапат на првиот Грен слем годинава во Австралија.

Неговиот настап е под знак прашалник бидејќи српскиот тенисер се уште не открил дали е вакциниран или планира да го направи тоа.

„Дали тоа ќе се случи? Под вакви уцени, на овој начин како што е спроведено, веројатно Новак нема да игра во Мелбурн. Јас тоа не би го направил, а Новак е мој син и ви оставам на вас за заклучите“, изјави Срѓан Ѓоковиќ.

„Дали Новак е вакциниран е негово право и интима Дали ќе го обзнани тоа? Мислам дека нема. Ни јас не ја знам таа одлука. Тој има право да одлучува како сака. Под овие уцени и услови, веројатно нема да настапи“, додаде таткото на Ѓоковиќ.