Раиола: Халанд ја обожава Шпанија

Ерлинг Халанд сигурно ќе биде еден од играчите за кои во летото 2022 најмногу ќе се зборува.

Чудесниот норвешки напаѓач е желба на бројни европски клубови, а неговиот агент Мино Раиола денес даде најава каде Халанд би можел да продолжи.

„Халанд ја обожава Шпанија“, прокоментира Раиола, па продолжи:

„Сепак, се уште е рано да се зборува каде ќе игра наредната сезона. Прерано е да зборуваме за трансфери“, изјави контроверзниот агент.

Одличниот норвешки напаѓач игра во фантастична форма во дресот на Борусија Дортмунд во кој постигна 70 голови на 69 натпревари.