Eмил Павлов се враќа со сребро од Светското првенство во Дубаи 🎥

Најдобриот македонски каратист денес го освои сребрениот медал во категоријата до 67. килограми на Светското првенство во Дубаи.

Во финалето Павлов од почетокот имаше израмнета борба со олимпискиот шампион Стивен Да Коста кој успеа борбата да ја добие во завршницата. За македонскиот каратист ова е најголем успех, откако претходно беше најдобар во Европа во 2014 и 2018 година.

На патот до финалето Павлво беше подобар од Матеј Хомола, Сардин Сајматов, Абдалах Хамат, Али Елкасави и Маршал Тадиси.