Барселона го потврди она што сите го знаат!

Повеќе нема дилеми. Фудбалскиот клуб Барселона потврди дека Нејмар соопштил дека сака да замине и дека токму поради тоа го пропуштил утринскиот тренинг.

Ова практично значи дека полека се доближуваме кон крајот на трансфер сапуницата која ја „тресеше“ Шпанија во последниов период.

Како што пренесуваат шпанските, но и другите европски медиуми, сега преостанува клубовите да се договорат како ќе биде исплатена клазулата од 222 милиони евра.

„Екипата на Барселона утрово се врати на тренинзите. Тренингот беше одржан во центарот Жоан Гампер. Пред денеѓниот тренинг, Нејмар го извести клубот дека сака да замине и доби дозвола да го прескокне тренингот за да го реши прашањето за својата иднина“, се наведува во соопштението од Барселона.