Гвардиола тргнува по Дани Олмо

Манчестер Сити покажува сериозен интерес за ѕвездата на Лајпциг, Дани Олмо, пренесува „Газета дело Спорт“.

Менаџерот на Сити, Пеп Гвардиола одлично ги познава квалитетите на 23-годишниот Шпанец уште од времето кога Олмо беше дел од школата на Барселона.

Олмо ја помина школата на Барселона во младинските категории, од каде замина за Динамо Загреб каде ја доживеа својата фудбалска афирмација.

Минатата година направи трансфер во Лајпциг, каде блеска оваа сезона, а покрај Сити интерес за него покажува и Барселона.

Финансиската ситуација на „граѓаните“ е многу подобра во споредба со таа на Каталонците, па веќе спремија понуда од 50 милиони евра за потписот на Олмо.