Вујовиќ: Сакам Кил да дојде во најсилен состав за Вардар да го покаже квалитетот

Вардар влезе во една мини црна серија од два порази во Лигата на шампионите против Монпелје и Алборг, а сега пред црвено-црните е уште еден меч со квалитетен противник.

Во Скопје во среда ќе гостува Кил.

„Кил ќе дојде тука не во најдобра форма, а има и некои играчи кои нема да бидат во составот. Јас би сакал да дојдат во полн состав за Вардар да го покаже квалитетот. Не сакам да бидеме тим кој победува само во моментите на инспирација понесен од добрата атмосфера, треба да победуваме и кога не играме најдобро. Ме радува што имаме простор за напредок и подобрување“

„Ќе играме против скап тим, сите играчи се репрезентативци на своите земји и се актуелни шампион во бундеслигата. Меѓутоа Вардар со својата историја не смее да си дозволи да врзе неколку порази, мораме да ја прекинеме таа црна серија“, изјави Вујовиќ.

Фото: РК Вардар1961 / Денис Дуковски