Барселона остана без главниот спонзор

Јапонската компанија за онлајн трговска „Ракутен“ ја прекинува соработката со Барселона.

„Ракутен“ е главниот спонзор на каталонскиот клуб, но тој одлучи да не ја продолжи соработката која трае од 2017 година, според која Јапонците и даваат на Барселона 55 милиони евра по сезона за натписот на дресот.

Минатата година договорот беше продолжен, но спонзорскиот износ беше намален на 30 милиони евра годишно.

Ќе се смени и спонзорскиот натпис на ракавот на дресот, на кој се рекламира турскиот производител на бела техника „Беко“.

Барселона, сепак, има неколку спонзорски понуди на маса и се надева дека наскоро ќе потпише со нов спонзор, а се споменува дека името на стадионот „Камп Ноу“ би можело да се продаде, со што на клубот ќе му се дадат нови приходи.

Каталонскиот гигант се наоѓа во тешка финансиска ситуација, а со ова уште повеќе ги зголемија грижите на клупскиот претседател Жоан Лапорта.