Гвардиола: Не мислам ни секунда на ПСЖ

Менаџерот на Манчестер Сити, Пеп Гвардиола ги сподели очекувањата од дуелот со Лајпциг во Лигата на шампиони.

„Граѓаните“ се наоѓаат во тешка група, заедно со ПСЖ, но Гвардиола истакна дека воопшто не мисли на тој дуел.

„Опасно е уште сега да се фокусираме на ПСЖ бидејќи ни следува дуел со Лајпциг. Најтежок меч за нас во ЛШ ќе биде првииот, а тоа е Лајпциг. Ни секунда не мислам на ПСЖ“, истакна Гвардиола.

„Тимовите во нашата група се многу силни. Лајпциг значително напредуваше во Германија и овој меч ќе биде добар тест за нас. Важно е да играме како во саботата против Лестер“, додаде Гвардиола.