Фергусон: Не можев да го замислам Роналдо во дресот на Сити

Легендарниот менаџер на Манчестер Јунајтед, Алекс Фергсон призна за својата улога при враќањето на Кристиано Роналдо на „Олд Трафорд“.

Роналдо ова лето го напушти Јувентус и беше на чекор од трансфер во Манчестер Сити, но на крајот заврши во црвениот дел од Манчестер.

Алекс Фергусон призна дека одиграл клучна улога при неговото враќање на „Олд Трафорд“ бидејќи не можел да го замисли во дресот на градскиот ривал.

„Многу луѓе беа вклучени и јас придонесов за тоа знаејќи дека Кристиано навистина сака да се врати и тоа е важно. Се беше направено добро. Не би рекол дека сум емотивен, но за мене тоа е возбуда и олеснување како испадна се на крај, бидејќи не можев да замислам дека би заиграл за Манчестер Сити“.

„Затоа преземавме чекори за да се осигураме дека тој ќе се врати тука и клубот го следеше сето тоа. Разговарав со Глејзерс и тоа беше направено. Мислам дека тој ќе има влијание особено врз младите играчи и има искуство да се справи со целата ситуација“, изјави Фергусон.

Sir Alex Ferguson speaks exclusively to #Viaplay and @tfaxoe about the return of @Cristiano to @ManUtd #MUFC #Tv3sport pic.twitter.com/8027uRuCLT

— Niklas Lind (@Niklas_Lind) September 11, 2021